निर्वाचनलाई भयरहित बनाउन सञ्चारकर्मीहरूको भूमिका विषयक अन्तरक्रिया सम्पन्न

43

काठमाडौँ , ३० कार्तिक |निर्वाचनलाई स्वच्छ निष्पक्ष र भयरहित बनाउन सञ्चारकर्मीहरूको भूमिका विषयक अन्तरक्रिया वीरगञ्जमा सम्पन्न भएको छ । अनौपचारिक क्षेत्र सेवा केन्द्र मधेश प्रदशको आयोजनामा अन्र्तक्रिया भएको हो ।

कार्यक्रममा बोल्ने वक्ताहरूले निर्वाचन स्वच्छ, निष्पक्ष र भयरहित वातावरणमा सम्पन्न गर्न सञ्चारकर्मी गम्भिर हुनुपर्नेमा जोड दिएका छन् । उनीहरूले पत्रकारले निर्वाचनमा पत्रकार आचार संहिता सँगै निर्वाचन आचार संहिता पालना गरेर अरुलाई पनि निर्वाचन आचारसंहिता पालना गर्नका लागि दवाव दिनुपर्ने बताएका छन् ।

नेपाल पत्रकार महासंघ मधेश प्रदेश समिति महासचिव श्याम बञ्जाराले पत्रकारले चाहेको उम्मेदवारलाई समाचारमै जिताउनु गलत भएको बताए । विचारशुन्य कोहि नहुने बताउँदै उनले कलम चालउँदा निष्पक्ष हुनुपर्नेमा जोड दिए ।

सामुदायिक रेडियो प्रशारक संघ अकोराबका पूर्व महासचिव एवं नारायणी एफएमका कार्यकारी अध्यक्ष गोविन्द देवकोटाले पत्रकारले समाचार लेख्दा जिम्मेवार हुनुपर्ने बताए । राज्यले नियुक्त गरेका कर्मचारीले नै निर्वाचन गराउने हुँदा उनीहरुबाट निर्वाचन विरोधी गतिविधि हुन नदिन सञ्चारकर्मी चनाखो हुनुपर्ने उनको धारणा छ । पत्रकारले पत्रकारिता बाहेक अन्य पेशालाई प्रधान ठानेर काम गर्न नहुने उनको भनाई छ ।

आचारसंहिताको अनुगमन प्रभावकारी हुन नसकेको बताउँदै उनले सञ्चारमाध्यमले खबरदारी गर्नुपर्नेमा जोड दिए । नेपाल पत्रकार महासंघका केन्द्रीय सदस्य एवं इन्सेकका पर्सा प्रतिनीधि निर्वाचन जनताले सार्वभौम अधिकार प्रयोग गरेर जनप्रतिनीधि चुन्ने माध्यम भएकोले निष्पक्ष र भय रहित वातावरणमा हुनुपर्नेमा जोड दिए ।

इन्सेकका मधेस प्रदेश संयोजक राजु पासवानले निर्वाचनमा देखिएको कमीकमजोरी लेखेर सहयोग गरिदिन आग्रह गरे । इन्सेकले देशभरमा ७ सय २२ जना निर्वाचन पर्यवेक्षक खटाएको छ ।

Leave a Reply