छथर जोरपाटी गाउँपालिका द्वारा किसानहरुलाई ५० वटा उन्नत जातको बाख्रा र बोका वितरण |

462

धनकुटा | धनकुटाको छथर जोरपाटी गाउँपालिकाले एक कार्यक्रमका बिच किसानहरुलाई ५० वटा उन्नत जातको बाख्रा र बोका विरण गरेको छ ।

गाँउपालिकाले गत आर्थिक बर्ष २०७७÷०७८ को असारमा वडा नं. ५ को शिर्जनसिल बाख्रा पालन समुहका २५ जना किसानहरुलाई बाख्राको पाठापाठी र बीउ बोका उपलब्ध गराईएको हो ।

पालिकाले साना तथा मझौला किसान लक्षित बाख्रा पकेट कार्यक्रम अन्तर्गत ७५ प्रतिशत अनुदानमा बाख्रा अनुदानमा दिएको हो । पालिकाले २ लाख ८३ हजार ४ सय बराबरको बाख्राको पाठापाठी र २ लाख ५० हजार बराबरको एक उन्नत जातको बोका दिएको छ ।

उक्त अनुदान पालिकाले जारी गरेको ३५ दिने सूचनाका अवधिमा परेका निवेदनहरु मध्येबाट छनौट गरेर अनुदान दिईएको पशुपन्छी शाखाका प्रमुख राजकुमार राईले जानकारी दिए ।

‘कृषि तथा पशुपन्छी बिकास मन्त्रालयबाट आ.ब.०७७÷०७८ मा प्रदेश तथा स्थानिय तहमा सशर्त बित्तीय हस्तान्तरण मार्फत पठाईएका कार्यक्रमहरुको प्राविधिक कार्य सन्चालन प्रक्रिया,रिपोर्टिङ्ग तथा तथ्यांङ्क ब्यबस्थापन सम्बन्धि मार्गदर्शनमा आधारित कार्यबिधि अनुसार छनौटमा परेका समुहहरुलाई अनुदान उपलब्ध गराईएको राईले जानकारी दिए ।

Leave a Reply